Tuesday, April 6, 2010

എ ഫ്യൂഡല്‍



“അച്ചാ ഇതാണോ ഭാരതപുഴ” കുറ്റിപ്പുറം പാലത്തിലൂടെ സഞ്ചരിക്കവേ മകള്‍ എന്നോട് ചോദിച്ചു!
അങ്ങിങ്ങവിടെയായി കുറച്ചു വെള്ളകുഴികള്‍ മാത്രം!
എന്നിട്ടും മണല്‍ മാഫിയക്കാര്‍ സജീവം!
ചെറുപ്പത്തില്‍ കടല്‍ കരയില്‍ ചെറുകുളങ്ങള്‍ ഉണ്ടാക്കികളിച്ചതിന്റെ ഓര്‍മ്മയില്‍ ഞാന്‍ വണ്ടിയോടിച്ചു.
ആകാശം മുന്നില്‍ നീണ്ടു നിവര്‍ന്നു നില്‍ക്കുന്നു.കൂട്ടിനായ് താഴെ പരന്നുകിടക്കുന്ന ഭൂമി.
നിയമം വെന്തമണം കാറ്റില്‍ പറന്നു വന്ന് മൂക്കിലടിച്ചപ്പോള്‍ തുറന്നിട്ടിരുന്ന കാറിന്റെ ചില്ലുകള്‍ ഞാന്‍ അടച്ചു.
റേഡിയോ തുറന്നപ്പോള്‍ സുകുമാര്‍ അഴീക്കോട് എന്തെല്ലാമോ പുലമ്പുന്നു “ കാശുള്ളവന്‍ കേമനും കാശില്ലാത്തവന്‍ കോമാളിയുമാണ്....” ആ സംഭാഷണങ്ങള്‍ തലവേദനയുണ്ടാക്കുമെന്നായപ്പോള്‍ അതും ഓഫാക്കി.
അപ്പോഴേക്കും മകള്‍ ഉറങ്ങിയിരുന്നു.മകളുടെ ദേഹത്ത് പുറത്തെ ചൂട് വിയര്‍പ്പുപടര്‍ത്തിയപ്പോള്‍ ഞാന്‍ ഏ.സി ഓണാക്കി.
ധര്‍മ്മം പുലര്‍ത്താന്‍ കഴിയാത്ത ദൈവമപ്പോള്‍ എന്നെ നോക്കി “എ ഫ്യൂഡല്‍ “ എന്നു മന്ത്രിക്കുന്നുണ്ടായിരുന്നു!.

8 comments:

മുഹമ്മദ്‌ സഗീര്‍ പണ്ടാരത്തില്‍ said...

എ ഫ്യൂഡല്‍

പട്ടേപ്പാടം റാംജി said...

ദൈവത്തിന് എന്തും പറയാം.

ഇസ്മായില്‍ കുറുമ്പടി ( തണല്‍) said...

"ധര്‍മ്മം പുലര്‍ത്താന്‍ കഴിയാത്ത ദൈവം"

അങ്ങനെ ഒരു ദൈവം ഉണ്ടോ?

സോണ ജി said...

ധര്‍മ്മം പുലര്‍ത്താന്‍ കഴിയാത്ത ദൈവമപ്പോള്‍ എന്നെ നോക്കി ''എ ഫ്യൂഡല്‍ '' എന്നു മന്ത്രിക്കുന്നുണ്ടായിരുന്നു.. ഇതിനോട് യോജിക്കാന്‍ കഴിയുന്നില്ല..സഗീര്‍. കൂടാതെ വിയര്‍പ്പിനു്‌ വയര്‍പ്പ് എന്നാണ്..എഴുതിയത്.

കുമാരന്‍ | kumaran said...

നിയമം വെന്തമണം കാറ്റില്‍ പറന്നു വന്ന് മൂക്കിലടിച്ചപ്പോള്‍ ..

നല്ല പ്രയോഗം.

»¦ മുഖ്‌താര്‍ ¦ udarampoyil ¦« said...

അതെ,
“ കാശുള്ളവന്‍ കേമനും കാശില്ലാത്തവന്‍ കോമാളിയുമാണ്....”


കുറച്ചു നാളു കൂടി കഴിഞ്ഞാല്‍ ഇതും ഒരു കൗതുക കാഴ്ച ആയേക്കാം..
ഭാരതപ്പുഴയോ.. അതെന്താ സാധനമെന്ന് നമ്മുടെ മക്കള്‍ നമ്മോടു ചോദിക്കാതിരിക്കില്ല.

»¦ മുഖ്‌താര്‍ ¦ udarampoyil ¦« said...

'ധര്‍മ്മം പുലര്‍ത്താന്‍ കഴിയാത്ത ദൈവമപ്പോള്‍' എന്നെ നോക്കി “എ ഫ്യൂഡല്‍ “ എന്നു മന്ത്രിക്കുന്നുണ്ടായിരുന്നു!.

അപ്പോള്‍ എന്താണ് ധര്‍മം..
ധര്‍മം നടപ്പിലാക്കേണ്ടതു ആരാണ്..

Pottichiri Paramu said...

:)